Құрметті отандастар!
Сіздерді бірлік пен мейірімнің жарқын символына айналған Алғыс айту күнімен шын жүректен құттықтаймын!
Бұл мереке – ел ішінде өзара құрмет пен жанашырлықты дәріптейтін, бір-бірімізге ризашылық білдіретін ерекше күн. Қазақ халқының қонақжайлығы мен кең пейілі, қиын-қыстау кезеңдерде көрсеткен қолдауы – бауырмалдық пен бірліктің айқын үлгісі.
Алғыс айту күні – ынтымақ пен достықты нығайтуға, ел игілігі жолындағы ортақ еңбекті бағалауға үндейді. Бізді біріктіретін – татулық пен өзара түсіністік, бейбіт өмірге деген ортақ ұмтылыс.
Қазақтың дархан даласында тамыр жайған түрлі этнос өкілдерінің бірлігі – еліміздің ең қымбат қазынасы. Осы құндылықтарды сақтау мен нығайту – баршамыздың ортақ парызымыз.
Еліміздің гүлденуі жолында еңбек етіп жүрген әрбір азаматқа шынайы ризашылығымды білдіремін. Сіздерге амандық, береке-бірлік, мол бақыт пен табыс тілеймін!
Еліміз тыныш, тәуелсіздігіміз тұғырлы болсын!
Ізгі ниетпен,
Мереке Құлкенов
Қазақстан Жазушылар одағының
Басқарма Төрағасы
