Құрметті қаламгерлер!
Қымбатты мұсылман бауырлар!Сіздерді барша мұсылман қауымы үшін қасиетті Рамазан айының басталуымен шын жүректен құттықтаймын!
Бұл ай – мейірім мен кешірімнің, қайырымдылық пен рухани жаңарудың айы. Рамазан айында адамгершілік құндылықтар дәріптеліп, қоғамдағы өзара қамқорлық пен бірлік одан әрі нығая түседі.
Ел Президенті Қасым-Жомарт Тоқаев: «Рамазан айы – рухани тазару мен жақсылыққа бастайтын берекелі уақыт. Бұл қасиетті кезең адамгершілік құндылықтарды дәріптеп, ізгі амалдар арқылы қоғамдағы ынтымақ пен бірлікті нығайтуға шақырады», – деп атап өткен болатын.
Қазақ қаламгерлері қашанда қоғамның рухани дамуы мен ұлттық құндылықтарды насихаттауда алдыңғы шепте келеді. Осы қасиетті айда бір-бірімізге демеу болып, игі істерде белсенділік танытайық.
Оразаларыңыз қабыл болсын!
Ізгі ниетпен,
Қазақстан Жазушылар одағының
Басқарма Төрағасы
Мереке Құлкенов
